➥ — —
ព័ត៌មានខាងលើគឺសម្រាប់បង្ហាញនៅលើទំព័រដែលមានពាក្យដែលមិនមាននៅក្នុងវចនានុក្រម។
សម្រាប់ព័ត៌មានបន្ថែមអំពីវចនានុក្រម សូមមើល សន្ទស្សន៍និងសេចក្តីផ្តើម.
➥ ឮ នាមសព្ទ៖ ស្រៈសំស្រ្កឹត ជាទីឃ: (អ.ថ. លឺ) ជាទន្តជ:មានសំឡេងកើតត្រង់ប្រទល់ធ្មេញ (ដូច ល ដែរ), មានប្រើបន្តិចបន្តួច ដូចជា ព.បុ. ថា
ឮជ័យ, ឮជា ជាដើម (មើលក្នុងពាក្យ ទាំងនោះ)។
កិរិយាសព្ទ៖ ចាប់យកសូរសព្ទបានឬបានដឹងសូរសព្ទដោយសោត្រប្រសាទ ឮគេនិយាយគ្នា, ឮដំណឹង។
លាន់សូរសព្ទចេញ ផ្គរលាន់ឮខ្លាំង។
ឮឈ្មោះ ឬ ឮនាម ល្បីឈ្មោះ, សាយឈ្មោះ។
ឮមាត់ឮក ឮសូរជជែកប្រកែកគ្នា, កើតមានជម្លោះប្រកែក។ ល។
➥ ឮជ័យ នាមសព្ទ៖ ទីដែលលេចឮឈ្មោះថាជាទីមានជ័យ គឺជានាមដំបូងបង្អស់នៃក្រុងឧដុង្គ ដែលក្នុងសម័យនោះហៅថា បន្ទាយ បន្ទាយឮជ័យ គឺក្រុងឧដុង្គឮជ័យ (សរសេរជា លឺជ័យ ក៏បាន)។
លុះចំណេរកាលតមក ទើបព្រះរាជធានីនេះប្រែនាមថា ក្រុងឧដុង្គមានជ័យ វិញ
ឧដុង្គមានជ័យ ជារាជធានីចាស់ នៅក្នុងអាណាខេត្តកំពង់ស្ពឺ (សព្វថ្ងៃនេះ)។
➥ ឮជា កិរិយាវិសេសន៍៖ (ព.បុ.) ដែលល្បីល្បាញ; ជាញជ័យ, អង់អាច, ហៅហាន។ ច្រើនប្រើតែក្នុងកាព្យ, ដូចជា
សេនាអង់អាច មានឫទ្ធិអំណាច អាចហានឮជាអស់ពួកសត្រូវ ទួទាំងទិសា សឹងខ្លាចចេស្ដា តេជះជាញជ័យ។ សរសេរជា លឺជា ក៏បាន។
គុណសព្ទ៖ (ព.បុ.) ដែលល្បីល្បាញ; ជាញជ័យ, អង់អាច, ហៅហាន។ ច្រើនប្រើតែក្នុងកាព្យ, ដូចជា
សេនាអង់អាច មានឫទ្ធិអំណាច អាចហានឮជាអស់ពួកសត្រូវ ទួទាំងទិសា សឹងខ្លាចចេស្ដា តេជះជាញជ័យ។ សរសេរជា លឺជា ក៏បាន។
➥ ឮលាន់ កិរិយាវិសេសន៍៖ ដែលគ្រាន់តែឮលាន់កងរំពង ប៉ុន្តែឮពុំប្រាកដជាសូរសព្ទអ្វីឬរឿងហេតុអ្វីឡើយ។ ច្រើនប្រើជាពាក្យលាយក្នុងកាព្យ, ដូចជា
មានការណ៍ឮលាន់ តើមានអាសន្ន អ្វីប្លែកយ៉ាងណា គួរសួរបញ្ជាក់ឲ្យអ្នករាល់គ្នា បានដឹងច្បាស់ថា ជារឿងហេតុអ្វី? (សរសេរជា លឺលាន់ ក៏បាន)។
គុណសព្ទ៖ ដែលគ្រាន់តែឮលាន់កងរំពង ប៉ុន្តែឮពុំប្រាកដជាសូរសព្ទអ្វីឬរឿងហេតុអ្វីឡើយ។ ច្រើនប្រើជាពាក្យលាយក្នុងកាព្យ, ដូចជា
មានការណ៍ឮលាន់ តើមានអាសន្ន អ្វីប្លែកយ៉ាងណា គួរសួរបញ្ជាក់ឲ្យអ្នករាល់គ្នា បានដឹងច្បាស់ថា ជារឿងហេតុអ្វី? (សរសេរជា លឺលាន់ ក៏បាន)។
➥ ឮសាយ កិរិយាវិសេសន៍៖ (ព.បុ.) ដែលមានកេរ្ដិ៍ឈ្មោះពីរោះល្បីលេចឮសាយសុសសព្វទិសានុទិស : កេរ្ដិ៍ឈ្មោះឮសាយ; រុងរឿង, ថ្កើងថ្កាន លោកឮសាយសប្បាយអស្ចារ្យណាស់។
ច្រើនប្រើលាយក្នុងកាព្យ, ដូចជា
អាពុកនិងម្ដាយ នូវញាតិទាំងឡាយ សប្បាយពន់ពេក ព្រោះឮថាកូន ឮសាយចម្លែក គេអរអនេក ឯកឥតគណនា។
គុណសព្ទ៖ (ព.បុ.) ដែលមានកេរ្ដិ៍ឈ្មោះពីរោះល្បីលេចឮសាយសុសសព្វទិសានុទិស : កេរ្ដិ៍ឈ្មោះឮសាយ; រុងរឿង, ថ្កើងថ្កាន លោកឮសាយសប្បាយអស្ចារ្យណាស់។
ច្រើនប្រើលាយក្នុងកាព្យ, ដូចជា
អាពុកនិងម្ដាយ នូវញាតិទាំងឡាយ សប្បាយពន់ពេក ព្រោះឮថាកូន ឮសាយចម្លែក គេអរអនេក ឯកឥតគណនា។
នាមសព្ទ៖ ព្រះមហាក្សត្រិយ៍
ព្រះឮសាយ ទ្រង់ចំណាយព្រះរាជទ្រព្យជាទានបរិច្ចាគ…។ សរសេរជា លឺសាយ ក៏បាន។