[១៦០] រូបជាចក្ខុន្រ្ទិយនោះ តើដូចម្តេច។ ចក្ខុណា គឺប្រសាទ ដែលអាស្រ័យមហាភូតទាំង ៤។ បេ។ ហៅថាស្រុកទំនេរក៏បាន នេះរូប​ជាចក្ខុន្រ្ទិយ។ រូបជាសោតិន្រ្ទិយ។ បេ។ ជាឃានិន្រ្ទិយ។ បេ។ ជាជិវ្ហិន្រ្ទិយ។ បេ។ ជាកាយិន្រ្ទិយ។ បេ។ ជាឥត្ថិន្រ្ទិយ។ បេ។ ជាបុរិសិន្រ្ទិយ។ បេ។ ជាជីវិតិន្រ្ទិយនោះ តើដូចម្តេច។ អាយុ ការឋិតនៅ ការនៅយឺនយូរ ការរស់នៅ ការរំកិលទៅ ការប្រព្រឹត្តិទៅបាន ការរក្សានូវរូបធម៌ទាំងឡាយនោះ គឺជីវិត ជីវិតិន្រ្ទិយណា នេះរូបជាជីវិតិន្រ្ទិយ។ រូបមិនមែនជាឥន្រ្ទិយនោះ តើដូចម្តេច។ រូបាយតនៈ។ បេ។ កពឡិង្ការាហារ នេះរូបមិនមែនជាឥន្ទ្រិយ។