[៧៩២] សត្វណា កំណត់ដឹងនូវចក្ខាយតនៈ សត្វនោះ នឹងកំណត់ដឹងនូវសោតាយតនៈដែរឬ។ មិនមែនទេ។ មួយយ៉ាងទៀត សត្វណា នឹងកំណត់ដឹងនូវសោតាយតនៈ សត្វនោះ ឈ្មោះថាកំណត់ដឹងនូវចក្ខាយតនៈដែរឬ។ មិនមែនទេ។ សត្វណា មិនកំណត់ដឹងនូវចក្ខាយតនៈ សត្វនោះ នឹងមិនកំណត់ដឹងនូវសោតាយតនៈដែរឬ។ ពួកសត្វណា នឹងបានចំពោះនូវមគ្គ ពួកសត្វនោះ ឈ្មោះថាមិនកំណត់ដឹងនូវចក្ខាយតនៈ តែមិនមែនជានឹងមិនកំណត់ដឹងនូវសោតាយតនៈទេ ព្រះអរហន្តក្ដី ពួកបុថុជ្ជនណាក្ដី នឹងមិនបាននូវមគ្គ ពួកបុគ្គលនោះ មិនកំណត់ដឹងនូវចក្ខាយតនៈផង នឹងមិនកំណត់ដឹងនូវសោតាយតនៈផង។ មួយយ៉ាងទៀត សត្វណា នឹងមិនកំណត់ដឹងនូវសោតាយតនៈ សត្វនោះ ឈ្មោះថាមិនកំណត់ដឹងនូវចក្ខាយតនៈដែរឬ។ បុគ្គលប្រកបដោយមគ្គដ៏ប្រសើរ នឹងមិនកំណត់ដឹងនូវសោតាយតនៈ តែមិនមែនជាមិនកំណត់ដឹងនូវចក្ខាយតនៈទេ ព្រះអរហន្តក្ដី ពួកបុថុជ្ជនណាក្ដី នឹងមិនបាននូវមគ្គ ពួកបុគ្គលនោះ ឈ្មោះថានឹងមិនកំណត់ដឹង នូវសោតាយតនៈផង មិនកំណត់ដឹងនូវចក្ខាយតនៈផង។