[៧៩៣] សត្វណា កំណត់ដឹងហើយ នូវចក្ខាយតនៈ សត្វនោះ នឹងកំណត់ដឹងនូវសោតាយតនៈដែរឬ។ មិនមែនទេ។ មួយយ៉ាងទៀត សត្វណា នឹងកំណត់ដឹងនូវសោតាយតនៈ សត្វនោះ ឈ្មោះថាកំណត់ដឹងហើយនូវចក្ខាយតនៈដែរឬ។ មិនមែនទេ។ សត្វណា មិនកំណត់ដឹងហើយនូវចក្ខាយតនៈ សត្វនោះ នឹងមិនកំណត់ដឹងនូវសោតាយតនៈទេឬ។ ពួកបុគ្គលណា នឹងបាននូវមគ្គ ពួកបុគ្គលនោះ មិនកំណត់ដឹងហើយនូវចក្ខាយតនៈ តែមិនមែនជានឹងមិនកំណត់ដឹងនូវសោតាយតនៈទេ បុគ្គលប្រកបដោយមគ្គដ៏ប្រសើរក្ដី ពួកបុថុជ្ជនណាក្ដី នឹងមិនបាននូវមគ្គ ពួកបុគ្គលនោះ មិនកំណត់ដឹងហើយនូវចក្ខាយតនៈផង នឹងមិនកំណត់ដឹងនូវសោតាយតនៈផង។ មួយយ៉ាងទៀត សត្វណា នឹងមិនកំណត់ដឹងនូវសោតាយតនៈ សត្វនោះ មិនកំណត់ដឹងហើយនូវចក្ខាយតនៈដែរឬ។ ព្រះអរហន្ត នឹងមិនកំណត់ដឹងនូវសោតាយតនៈ តែមិនមែនជាមិនកំណត់ដឹងហើយនូវចក្ខាយតនៈទេ បុគ្គលប្រកបដោយមគ្គដ៏ប្រសើរក្ដី ពួកបុថុជ្ជនណាក្ដី នឹងមិនបាននូវមគ្គ ពួកបុគ្គលនោះ ឈ្មោះថានឹងមិនកំណត់ដឹង នូវសោតាយតនៈផង មិនកំណត់ដឹងហើយនូវចក្ខាយតនៈផង។