ឧប្បជ្ជនវារៈ (ទី៦)
សង្ខេប
(បន្ថែមការពិពណ៌នាអំពីសូត្រនៅទីនេះ)
abh ya 07 02 06 បាលី cs-km: abh.ya.07.02.06 អដ្ឋកថា: abh.ya.07.02.06_att PTS: ?
ឧប្បជ្ជនវារៈ (ទី៦)
?
បកប្រែពីភាសាបាលីដោយ
ព្រះសង្ឃនៅប្រទេសកម្ពុជា ប្រតិចារិកពី sangham.net ជាសេចក្តីព្រាងច្បាប់ការបោះពុម្ពផ្សាយ
ការបកប្រែជំនួស: មិនទាន់មាននៅឡើយទេ
អានដោយ (គ្មានការថតសំលេង៖ ចង់ចែករំលែកមួយទេ?)
៦. ឧប្បជ្ជនវារោ
[១៣៣] កាមរាគានុស័យ របស់បុគ្គលណា កើតឡើង បដិឃានុស័យ របស់បុគ្គលនោះ កើតឡើងឬ។ អើ។ មួយយ៉ាងទៀត បដិឃានុស័យ របស់បុគ្គលណា កើតឡើង កាមរាគានុស័យ របស់បុគ្គលនោះ កើតឡើងឬ។ អើ។ កាមរាគានុស័យ របស់បុគ្គលណា កើតឡើង មានានុស័យ របស់បុគ្គលនោះ កើតឡើងឬ។ អើ។ មួយយ៉ាងទៀត មានានុស័យ របស់បុគ្គលណា កើតឡើង កាមរាគានុស័យ របស់បុគ្គលនោះ កើតឡើងឬ។ មានានុស័យ របស់អនាគាមិបុគ្គល កើតឡើង តែកាមរាគានុស័យ របស់អនាគាមិបុគ្គលនោះ មិនកើតឡើងទេ មានានុស័យ របស់បុគ្គល ៣ ពួក កើតឡើងផង កាមរាគានុស័យ កើតឡើងផង។ (បណ្ឌិត គប្បីសំដែងឲ្យពិស្តារផងចុះ)។
[១៣៤] កាមរាគានុស័យ របស់បុគ្គលណា មិនកើតឡើង បដិឃានុស័យ របស់បុគ្គលនោះ មិនកើតឡើងឬ។ អើ។ មួយយ៉ាងទៀត បដិឃានុស័យ របស់បុគ្គលណា មិនកើតឡើង កាមរាគានុស័យ របស់បុគ្គលនោះ មិនកើតឡើងឬ។ អើ។ កាមរាគានុស័យ របស់បុគ្គលណា មិនកើតឡើង មានានុស័យ របស់បុគ្គលនោះ មិនកើតឡើងឬ។ កាមរាគានុស័យ របស់អនាគាមិបុគ្គល មិនកើតឡើង តែមានានុស័យ របស់អនាគាមិបុគ្គលនោះ មិនមែនជាមិនកើតឡើងទេ កាមរាគានុស័យ របស់ព្រះអរហន្ត មិនកើតឡើងផង មានានុស័យ មិនកើតឡើងផង។ មួយយ៉ាងទៀត មានានុស័យ របស់បុគ្គលណា មិនកើតឡើង កាមរាគានុស័យ របស់បុគ្គលនោះ មិនកើតឡើងឬ។ អើ។ (បណ្ឌិតគប្បីសំដែងឲ្យពិស្តារផងចុះ)។
ចប់ ឧប្បជ្ជនវារៈ។
លេខយោង
Page Tools
