[៥] ម្នាលភិក្ខុ​ទាំងឡាយ បុគ្គលប្រកបដោយធម៌​៣​យ៉ាង​ គប្បីដឹងបាន ​ថា​ជា​ជនពាល។ ធម៌​៣ តើដូចម្ដេច។ គឺ ជា​អ្នក​តាក់តែង​ នូវប្រស្នាដោយ​មិន​ត្រូវ​ទំនង​ ១ ជាអ្នក​ដោះស្រាយ​ប្រស្នា ​ដោយ​មិន​ត្រូវ​ទំនង​ ១ បើអ្នក​ដទៃដោះស្រាយ​ប្រស្នា​ដោយត្រូវ​ទំនង​ហើយ ក៏មិន​សរសើរដោយ​បទ និងព្យញ្ជនៈ ជាបរិមណ្ឌល​ស្រួល​បរិបូណ៌​ឡើយ​ ១។ ម្នាលភិក្ខុទាំងឡាយ បុគ្គលប្រកបដោយ​ធម៌​៣ នេះឯង ដែល​គួរស្គាល់​​បាន​ ថា​ជាជនពាល។ ម្នាលភិក្ខុ​ទាំងឡាយ បុគ្គលប្រកប​ដោយធម៌៣ គួរ​ស្គាល់​បាន ​​ថា​ជាបណ្ឌិត។ ធម៌​៣ តើដូចម្ដេច។ គឺ ជាអ្នក​តាក់​តែង​ប្រស្នា ​ដោយត្រូវ​ទំនង​ ១ ជា​អ្នកដោះស្រាយប្រស្នា ដោយត្រូវវទំនង ​១ បើ​អ្នក​ដទៃ​ដោះប្រស្នា​ ដោយ​ត្រូវ​​ទំនងហើយ ក៏​សរសើរ ដោយ​បទ និង​ព្យញ្ជនៈ ​ជាបរិមណ្ឌល​ ស្រួលបរិបូណ៌​ ១។ ម្នាលភិក្ខុ​ទាំងឡាយ បុគ្គល​ប្រកប​ដោយធម៌​៣ នេះឯង ដែល​គួរ​ស្គាល់​បាន ​ថា​ជា​បណ្ឌិត។