km:tipitaka:sut:an:03:sut.an.03.095

សរទសូត្រ ទី៣

សង្ខេប

អំពី​ការ​បំបែក​តាមរយៈ​ពពក។

an 03.095 បាលី cs-km: sut.an.03.095 អដ្ឋកថា: sut.an.03.095_att PTS: ?

សរទសូត្រ ទី៣

?

បកប្រែពីភាសាបាលីដោយ

ព្រះសង្ឃនៅប្រទេសកម្ពុជា ប្រតិចារិកពី sangham.net ជាសេចក្តីព្រាងច្បាប់ការបោះពុម្ពផ្សាយ

ការបកប្រែជំនួស: មិនទាន់មាននៅឡើយទេ

អានដោយ ឧបាសិកា វិឡា

(៣. សរទសុត្តំ)

[៩៦] ម្នាល​ភិក្ខុទាំងឡាយ ដូច​ជាព្រះអាទិត្យ​ស្វាង​ស្រឡះ​ចាកពពក​ ឰដ៏​អាកាស ដែល​មាន​វលាហកៈប្រាសទៅ​ឆ្ងាយ ក្នុង​សរទសម័យ ហើយ​ក៏​កំចាត់​បង់​នូវ​ងងឹត ដែល​នៅ​ឯអាកាស​ទាំងអស់​ រមែង​ភ្លឺ​ត្រចះត្រចែង យ៉ាងណាមិញ ម្នាល​ភិក្ខុទាំងឡាយ កាល​ណា ធម្មចក្ខុ​ ដែលប្រាសចាកធូលី ប្រាសចាក​មន្ទិល បាន​កើត​ឡើង ​ដល់​អរិយ​សាវកហើយ ម្នាល​ភិក្ខុទាំងឡាយ ទើប​អរិយសាវក លះបង់​នូ​វសញ្ញោជនៈ ៣ ប្រការ គឺ​សក្កាយទិដ្ឋិ ១ វិចិកិច្ឆា ១ សីល​ព្វ​តបរាមាសៈ ១ ជាមួយ​នឹងការ​កើត​ឡើង នៃទស្សនៈ លុះកាល​ជាខាង​ក្រោយ​មក​ទៀត ក៏​រើចេញ​ចាក​ធម៌ ២ យ៉ាង គឺអភិជ្ឈា ១ ព្យាបាទ ១។ អរិយ​សាវក​នោះ​ ស្ងាត់​ចាក​កាម​ទាំងឡាយ ស្ងាត់​ចាក​អកុសល​ធម៌​ទាំងឡាយ ក៏​ដល់​នូវ​បឋម​ជ្ឈាន ប្រកប​ដោយ​វិតក្កៈ និង​វិចារ មាន​បី​តិ និង​សុខៈ​កើត​អំពីសេចក្ដី​ស្ងាត់ សម្រេច​សម្រាន្តនៅ។ ម្នាល​ភិក្ខុទាំងឡាយ បើអរិយសាវក ធ្វើ​កាល​កិរិយា ​ក្នុង​សម័យ​នោះ អរិយសាវក​នោះ រមែង​មិន​ប្រកប​ដោយ​សញ្ញោជនៈ ដែល​នាំ​ឲ្យ​មក​កាន់លោក​នេះ​ទៀត​ឡើយ។

 

លេខយោង

km/tipitaka/sut/an/03/sut.an.03.095.txt · ពេលកែចុងក្រោយ: 2024/04/03 19:40 និពន្ឋដោយ Johann