[១១៥] ម្នាល​ភិក្ខុទាំងឡាយ បុគ្គល ៣ ពួក​នេះ តែង​ទៅកាន់អបាយ ទៅកាន់​នរក ព្រោះមិន​លះបង់​អំពើ​អាក្រក់​នេះ។ បុគ្គល ៣ ពួក ដូច​ម្ដេចខ្លះ។ គឺ​បុគ្គល​ណា មិនមែន​ជាព្រហ្ម​ចារ្យ តែប្ដេជ្ញា​ថា ខ្លួន​ជាព្រហ្ម​ចារ្យ ១ បុគ្គល​ណា ចោទ​បុគ្គល​ជាព្រហ្ម​ចារ្យ បរិសុទ្ធ ជាអ្នក​ប្រព្រឹត្តព្រហ្ម​ចរិយ​ធម៌​ ដ៏បរិសុទ្ធ ដោយ​អព្រហ្ម​ចរិយធម៌​ មិនមាន​មូល ១ បុគ្គលណា មានវាទៈយ៉ាង​នេះ មាន​ទិដ្ឋិ​យ៉ាង​នេះថា ទោស​ក្នុង​កាម​ទាំងឡាយ មិនមាន​ បុគ្គល​នោះ ក៏​ដល់​នូវ​សេចក្ដី​ស្រេក​ឃ្លាន ​ក្នុង​កាម​ទាំងឡាយ ​១។ ម្នាល​ភិក្ខុទាំងឡាយ បុគ្គល​ទាំង៣ ពួក​នេះ តែង​ទៅកាន់​អបាយ ទៅកាន់​នរក ព្រោះមិន​លះបង់​អំពើ​អាក្រក់​នេះ។