km:tipitaka:sut:an:03:sut.an.03.137

ឧប្បាទាសូត្រ ទី៤

សង្ខេប

(បន្ថែមការពិពណ៌នាអំពីសូត្រនៅទីនេះ)

an 03.137 បាលី cs-km: sut.an.03.137 អដ្ឋកថា: sut.an.03.137_att PTS: ?

ឧប្បាទាសូត្រ ទី៤

?

បកប្រែពីភាសាបាលីដោយ

ព្រះសង្ឃនៅប្រទេសកម្ពុជា ប្រតិចារិកពី sangham.net ជាសេចក្តីព្រាងច្បាប់ការបោះពុម្ពផ្សាយ

ការបកប្រែជំនួស: មិនទាន់មាននៅឡើយទេ

អានដោយ (គ្មានការថតសំលេង៖ ចង់ចែករំលែកមួយទេ?)

(៤. ឧប្បាទាសុត្តំ)

[១៣៨] ម្នាល​ភិក្ខុ​ទាំង​ឡាយ កាល​ព្រះ​តថា​គត​ទាំង​ឡាយ​ កើត​ឡើង​ក្តី ព្រះតថា​គត​ទាំង​ឡាយ មិន​ទាន់​កើត​ឡើង​ក្តី ធាតុ​នោះ ធម្ម​ដ្ឋិតិ​នោះ ​ធម្ម​និយាម​នោះ តែង​ស្ថិត​នៅ​ជា​ធម្មតា គឺ​ថា ​សង្ខារ​ទាំង​ឡាយ​ ទាំង​ពួង​មិន​ទៀង។ ព្រះ​តថាគត​​ត្រាស់​ដឹង យល់​ច្បាស់​នូវ​ធាតុ​ ជា​ដើម​នោះ លុះ​ត្រាស់ដឹង​ យល់​ច្បាស់​ហើយ ក៏​ប្រាប់ សំដែង បញ្ញត្ត តាំង​ផ្តើម បើក​បង្ហើប ចែក​រលែក ធ្វើ​ឲ្យ​រាក់ថា សង្ខារ​ទាំង​ពួង ​មិន​ទៀង។ ម្នាល​ភិក្ខុ​ទាំង​ឡាយ ​កាល​ព្រះ​តថា​គត​ទាំង​ឡាយ កើត​ឡើង​ក្តី ព្រះ​តថា​គត​ទាំង​ឡាយ ​មិន​ទាន់​កើត​ឡើង​ក្តី ធាតុ​នោះ ធម្ម​ដ្ឋិតិ​នោះ ធម្ម​និយាម​នោះ តែង​ស្ថិត​នៅ​ជា​ធម្ម​តា គឺ​ថា ​សង្ខារ​ទាំង​ពួង​ជា​ទុក្ខ។ ព្រះ​តថា​គត រមែង​ត្រាស់​ដឹង យល់ច្បាស់នូវ​ធាតុ​ ជា​ដើម​នោះ លុះ​ត្រាស់​ដឹង យល់​ច្បាស់​ហើយ ក៏ប្រាប់ សំដែង បញ្ញត្ត តាំង​ផ្តើម បើក​បង្ហើប ចែករលែក ធ្វើ​ឲ្យរាក់​ថា សង្ខារ​ទាំង​ពួង​ជា​ទុក្ខ។ ម្នាល​ភិក្ខុ​ទាំង​ឡាយ កាល​ព្រះ​តថា​គត​ទាំង​ឡាយ​ កើត​ឡើង​ក្តី ព្រះ​តថា​គត​ទាំង​ឡាយ មិន​ទាន់​កើត​ឡើង​ក្តី ធាតុ​នោះ ធម្មដ្ឋិតិ​នោះ ធម្ម​និយាម​នោះ តែង​ស្ថិត​នៅ​ជា​ធម្មតា គឺ​ថា ​ធម៌​ទាំង​ឡាយ​ ទាំង​ពួង​ជា​អនត្តា។ ព្រះ​តថា​គត ត្រាស់​ដឹង យល់​ច្បាស់​នូវ​ធាតុ ​ជា​ដើម​នោះ​ លុះ​ត្រាស់​ដឹង យល់​ច្បាស់​ហើយ ក៏​ប្រាប់ សំដែង បញ្ញត្ត តាំង​ផ្តើម បើក​បង្ហើប ចែក​រលែក ធ្វើ​ឲ្យ​រាក់​ថា ធម៌​ទាំង​ឡាយ​ ទាំង​ពួង​ជា​អនត្តា។

 

លេខយោង

km/tipitaka/sut/an/03/sut.an.03.137.txt · ពេលកែចុងក្រោយ: 2023/04/02 02:18 និពន្ឋដោយ Johann