[២៧] ម្នាលភិក្ខុទាំងឡាយ កំឡាំងនេះ មាន ៨ យ៉ាង។ កំឡាំង ៨ យ៉ាង តើអ្វីខ្លះ។ ម្នាលភិក្ខុ​ទាំងឡាយ ពួកក្មេង​មានការ​យំ​ជាកំឡាំង​ ១ ពួកមាតុគ្រាម​មាន​សេចក្តី​ក្រោធ ជា​កំឡាំង ១ ពួកចោរ​មានគ្រឿង​អាវុធ​ជាកំឡាំង ១ ពួក​ព្រះរាជា​មាន​ឥស្សរិយៈ ជាកំឡាំង ១ ពួកជនពាល​មានការ​លើក​ទោស ជាកំឡាំង ១ ពួក​បណ្ឌិត​មានការ​រំពឹង​គិត ជា​កំឡាំង ១ ពួកពហុស្សូត ​មានការ​ពិចារណា ជាកំឡាំង ១ ពួកសមណ​ព្រាហ្មណ៍ ​មានការ​អត់ធន់ ជា​កំឡាំង ១។ ម្នាលភិក្ខុ​ទាំងឡាយ កំឡាំង​មាន ៨ យ៉ាង​នេះឯង។