km:tipitaka:sut:an:08:sut.an.08.037

សប្បុរិសទានសូត្រ ទី៧

សង្ខេប

«សប្បុរិសទាន​នេះមាន ៨ យ៉ាង។» កត្តា​ប្រាំបី​នៃ​ការ​ផ្តល់ឱ្យ​ដ៏​​​ល្អឥតខ្ចោះ។

an 08.037 បាលី cs-km: sut.an.08.037 អដ្ឋកថា: sut.an.08.037_att PTS: ?

សប្បុរិសទានសូត្រ ទី៧

?

បកប្រែពីភាសាបាលីដោយ

ព្រះសង្ឃនៅប្រទេសកម្ពុជា ប្រតិចារិកពី sangham.net ជាសេចក្តីព្រាងច្បាប់ការបោះពុម្ពផ្សាយ

ការបកប្រែជំនួស: មិនទាន់មាននៅឡើយទេ

អានដោយ ឧបាសិកា វិឡា

sut.an.08.037.jpg

(៧. សប្បុរិសទានសុត្តំ)

[៣៧] ម្នាលភិក្ខុទាំងឡាយ សប្បុរិសទាន​នេះមាន ៨ យ៉ាង។ សប្បុរិសទាន ៨ យ៉ាង តើដូចម្តេច​ខ្លះ។ គឺ​បុគ្គល​ឲ្យវត្ថុស្អាត ១ ឲ្យវត្ថុថ្លៃថ្លា ១ ឲ្យតាមកាល ១ ឲ្យវត្ថុគួរ ១ ជ្រើសរើស​ហើយទើបឲ្យ ១ ឲ្យទាន​រឿយៗ ១ កំពុងឲ្យ ញុំាំង​ចិត្តឲ្យជ្រះថ្លា ១ លុះឲ្យ​ផុត​ហើយ រមែងមាន​សេចក្តី​ពេញចិត្ត ១។ ម្នាលភិក្ខុ​ទាំងឡាយ សប្បុរិសទាន ៨ យ៉ាង​នេះ​ឯង។

បុគ្គល រមែងឲ្យនូវទានទាំងឡាយគឺ ទឹក និងភោជន​ដ៏ស្អាត ថ្លៃថ្លា តាមកាល វត្ថុ​ដ៏គួរ រឿយ​ ៗ ចំពោះ​ព្រហ្មចារីបុគ្គល​ទាំងឡាយ ដូចជា​ស្រែដ៏ល្អ ពួក​អ្នកប្រាជ្ញ រមែង​សរសើរ នូវទាន​ទាំងឡាយ ដែលបុគ្គល​លះបង់​នូវ​អាមិសៈ​ជាច្រើន ដែល​មិនគួរ​ឲ្យកើត​សេចក្តី​ក្តៅក្រហាយ ហើយឲ្យ​យ៉ាងនេះ អ្នកប្រាជ្ញមាន​បញ្ញា ជាអ្នក​មានសទ្ធា បានបូជា​យ៉ាងនេះហើយ មានចិត្ត​រួចស្រឡះ រមែង​ចូលទៅកាន់​ទេវ​លោក ដែល​មិនមាន​សេចក្តី​ទុក្ខ មានតែ​សេចក្តី​សុខ។

 

លេខយោង

km/tipitaka/sut/an/08/sut.an.08.037.txt · ពេលកែចុងក្រោយ: 2023/11/02 17:41 និពន្ឋដោយ Johann