km:tipitaka:sut:an:08:sut.an.08.040

ទុច្ចរិតវិបាកសូត្រ ទី១០

សង្ខេប

វាសនា​​ចំពោះ​​កម្ម​ខុស ​៨ ​ប្រភេទ។

an 08.040 បាលី cs-km: sut.an.08.040 អដ្ឋកថា: sut.an.08.040_att PTS: ?

ទុច្ចរិតវិបាកសូត្រ ទី១០

?

បកប្រែពីភាសាបាលីដោយ

ព្រះសង្ឃនៅប្រទេសកម្ពុជា ប្រតិចារិកពី sangham.net ជាសេចក្តីព្រាងច្បាប់ការបោះពុម្ពផ្សាយ

ការបកប្រែជំនួស: មិនទាន់មាននៅឡើយទេ

អានដោយ ឧបាសក សុខ វិបុល

(១០. ទុច្ចរិតវិបាកសុត្តំ)

[៤០] ម្នាលភិក្ខុទាំងឡាយ បាណាតិបាត ដែលបុគ្គល​សេព​ថ្នឹកហើយ ចំរើន​ហើយ ធ្វើឲ្យ​ច្រើនហើយ ប្រព្រឹត្តទៅ ដើម្បីនរក ប្រព្រឹត្តទៅ ដើម្បី​កំណើត​តិរច្ឆាន ប្រព្រឹត្តទៅ ដើម្បី​បិត្តិវិស័យ។ ផលនៃ​បាណាតិបាត ដែលស្រាល​ជាងផល​ទាំងអស់ រមែង​ប្រព្រឹត្ត​ទៅ ដើម្បី​មាន​អាយុខ្លី ដល់កើត​ជាមនុស្ស។ ម្នាលភិក្ខុ​ទាំងឡាយ អទិន្នាទាន ដែលបុគ្គល​ថ្នឹកហើយ ចំរើនហើយ ធ្វើឲ្យ​ច្រើនហើយ ប្រព្រឹត្តទៅ ដើម្បីនរក ប្រព្រឹត្តទៅ ដើម្បី​កំណើត​តិរច្ឆាន ប្រព្រឹត្តទៅ ដើម្បីបិត្តិវិស័យ។ ផលនៃអទិន្នាទាន ដែលស្រាល​ជាង​ផល​ទាំងអស់ រមែងប្រព្រឹត្ត​ទៅ ដើម្បីវិនាស​នូវភោគៈ ដល់កើត​ជាមនុស្ស។ ម្នាលភិក្ខុ​ទាំង​ឡាយ កាមេសុមិច្ឆាចារ ដែលបុគ្គល​ថ្នឹកហើយ ចំរើនហើយ ធ្វើឲ្យច្រើន​ហើយ ប្រព្រឹត្តទៅ ដើម្បីនរក ប្រព្រឹត្តទៅ ដើម្បី​កំណើត​តិរច្ឆាន ប្រព្រឹត្តទៅ ដើម្បី​បិត្តិវិស័យ។ ផលនៃ​កាមេសុមិច្ឆាចារ ដែលស្រាលជាងផល​ទាំងអស់ រមែងប្រព្រឹត្ត​ទៅ ដើម្បីសត្រូវ និង​ពៀរ ដល់​កើត​ជាមនុស្ស។ ម្នាលភិក្ខុ​ទាំងឡាយ មុសាវាទ ដែលបុគ្គល​ថ្នឹកហើយ ចំរើនហើយ ធ្វើឲ្យច្រើន​ហើយ ប្រព្រឹត្តទៅ ដើម្បីនរក ប្រព្រឹត្តទៅ ដើម្បី​កំណើត​តិរច្ឆាន ប្រព្រឹត្តទៅ ដើម្បី​បិត្តិវិស័យ។ ផលនៃ​មុសាវាទ ដែលស្រាល​ជាងផល​ទាំងអស់ រមែងប្រព្រឹត្ត​ទៅ ដើម្បី​គេពោល​បង្កាច់ ដោយពាក្យ​មិនពិត ដល់កើត​ជាមនុស្ស។ ម្នាលភិក្ខុ​ទាំងឡាយ បិសុណាវាចា ដែលបុគ្គល​ថ្នឹកហើយ ចំរើន​ហើយ ធ្វើឲ្យច្រើន​ហើយ ប្រព្រឹត្តទៅ ដើម្បីនរក ប្រព្រឹត្តទៅ ដើម្បី​កំណើត​តិរច្ឆាន ប្រព្រឹត្តទៅ ដើម្បី​បិត្តិវិស័យ។ ផលនៃ​បិសុណាវាចា ដែលស្រាលជាង​ផលទាំងអស់ រមែងប្រព្រឹត្តទៅ ដើម្បីបែកបាក់​ចាកមិត្រ ដល់​កើត​ជាមនុស្ស។ ម្នាលភិក្ខុ​ទាំងឡាយ ផរុសវាចា ដែលបុគ្គល​ថ្នឹកហើយ ចំរើនហើយ ធ្វើឲ្យ​ច្រើនហើយ ប្រព្រឹត្តទៅ ដើម្បីនរក ប្រព្រឹត្តទៅ ដើម្បីកំណើត​តិរច្ឆាន ប្រព្រឹត្តទៅ ដើម្បី​បិត្តិវិស័យ។ ផលនៃ​ផរុសវាចា ដែលស្រាល​ជាងផល​ទាំងអស់ រមែងប្រព្រឹត្តទៅ ដើម្បី​សម្លេង​មិនជា​ទីគាប់ចិត្ត ដល់កើត​ជាមនុស្ស។ ម្នាលភិក្ខុ​ទាំងឡាយ សម្ជប្បលាបៈ ដែល​បុគ្គល​ថ្នឹកហើយ ចំរើនហើយ ធ្វើឲ្យច្រើនហើយ ប្រព្រឹត្តទៅ ដើម្បីនរក ប្រព្រឹត្តទៅ ដើម្បី​កំណើត​តិរច្ឆាន ប្រព្រឹត្តទៅ ដើម្បី​បិត្តិវិស័យ។ ផលនៃសម្ជប្បលាបៈ ដែលស្រាល​ជាងផល​ទាំងអស់ រមែងប្រព្រឹត្តទៅ ដើម្បីពាក្យដែល​មិនគួរកាន់យក ដល់​កើត​ជាមនុស្ស។ ម្នាលភិក្ខុ​ទាំងឡាយ កាផឹកនូវ​សុរា និង​​មេរ័យ ដែលបុគ្គល​ថ្នឹកហើយ ចំរើនហើយ ធ្វើឲ្យច្រើនហើយ ប្រព្រឹត្តទៅ ដើម្បីនរក ប្រព្រឹត្តទៅ ដើម្បីកំណើត​តិរច្ឆាន ប្រព្រឹត្តទៅ ដើម្បី​បិត្តិវិស័យ។ ផលនៃការ​ផឹក​នូវសុរាមេរ័យ ដែលស្រាល​ជាងផល​ទាំង​អស់ រមែងប្រព្រឹត្តទៅ ដើម្បី​ភាពជាឆ្កួត ដល់កើត​ជាមនុស្ស។

ចប់ ទានវគ្គ ទី៤។

ឧទ្ទានក្នុងវគ្គនោះ គឺ

និយាយអំពីទាន ពីរលើក អំពីវត្ថុ ១ អំពីបុញ្ញក្ខេត្ត ១ អំពី​ការកើតឡើង​នៃទាន ១ អំពី​បុញ្ញកិរិយាវត្ថុ ១ អំពី​សប្បុរស ពីរលើក អំពីផល​ដ៏ស្រាលជាងផល​ទាំងអស់ ១ អំពី​អានិសង្ស ១។

 

លេខយោង

km/tipitaka/sut/an/08/sut.an.08.040.txt · ពេលកែចុងក្រោយ: 2023/08/22 13:02 និពន្ឋដោយ Johann