km:tipitaka:sut:an:08:sut.an.08.059

បឋមបុគ្គលសូត្រ ទី៩

សង្ខេប

ភិក្ខុ​ប្រកប​ដោយ​ធម៌ ៨​យ៉ាង ជា​អ្នក​គួរ​​ទទួល​​ទាន។

an 08.059 បាលី cs-km: sut.an.08.059 អដ្ឋកថា: sut.an.08.059_att PTS: ?

បឋមបុគ្គលសូត្រ ទី៩

?

បកប្រែពីភាសាបាលីដោយ

ព្រះសង្ឃនៅប្រទេសកម្ពុជា ប្រតិចារិកពី sangham.net ជាសេចក្តីព្រាងច្បាប់ការបោះពុម្ពផ្សាយ

ការបកប្រែជំនួស: មិនទាន់មាននៅឡើយទេ

អានដោយ ព្រះខេមានន្ទ

(៩. បឋមបុគ្គលសុត្តំ)

[៥៩] ម្នាលភិក្ខុទាំងឡាយ បុគ្គល ៨ ពួកនេះ ជាអ្នកគួរទទួល​នូវ​ចតុប្បច្ច័យ ដែល​គេនាំ​មកបូជា គួរទទួល​នូវចតុប្បច្ច័យ​ដែលគេ​តាក់តែង​ដើម្បីភ្ញៀវ គួរទទួល​នូវ​ទក្ខិណាទាន គួរដល់​អញ្ជលិកម្ម ដែលសត្វលោក​គប្បីធ្វើ ជាបុញ្ញកេ្ខត្ត​នៃសត្វលោក រកខេត្ត​ដទៃក្រៃលែង​ជាងគ្មាន។ បុគ្គល ៨ ពួក ​តើដូចម្ដេច។ គឺ​បុគ្គល​ជា​សោតាបន្ន ១ បុគ្គល​អ្នកប្រតិបត្តិ ដើម្បីធ្វើ​ឲ្យជាក់ច្បាស់​សោតាបត្តិផល ១ បុគ្គល​ជាសកទាគាមី ១ បុគ្គល​អ្នកប្រតិបត្តិ ដើម្បីធ្វើឲ្យជាក់​ច្បាស់​សកទាគាមិផល ១ បុគ្គល​ជាអនាគាមី ១ បុគ្គល​អ្នក​ប្រតិបត្តិ ដើម្បីធ្វើ​ឲ្យជាក់ច្បាស់​អនាគាមិផល ១ បុគ្គល​ជាអរហន្ដ ១ បុគ្គលជា​អ្នក​ប្រតិបត្តិ ដើម្បីអរហត្ត ១។ ម្នាលភិក្ខុ​ទាំងឡាយ បុគ្គល ទាំង៨ ពួកនេះឯង ជាអ្នកគួរ​ទទួល​នូវចតុប្បច្ច័យ​ដែលគេនាំ​មកបូជា។បេ។ ជាបុញ្ញកេ្ខត្ត​នៃសត្វលោក រក​ខេត្តដទៃ ក្រៃលែង​ជាងគ្មាន។

បុគ្គល ៤ពួក ជាអ្នកប្រតិបត្តិផង ៤ពួក​តាំងនៅក្នុង​ផលផង​ នេះ​ជា​សង្ឃ​មាន​សភាពដ៏ត្រង់ ប្រកបដោយ​បញ្ញា និងសីល រមែងធ្វើ​នូវ​បុណ្យដ៏​ក្រៃលែង​ ដល់ពួកសត្វ គឺ​មនុស្ស កាលស្វែងរកនូវ​បុណ្យ ហើយបូជា ព្រោះទាន​ដែលបុគ្គល​ឲ្យហើយ​ចំពោះសង្ឃ​ រមែងមាន​ផលច្រើន។

 

លេខយោង

km/tipitaka/sut/an/08/sut.an.08.059.txt · ពេលកែចុងក្រោយ: 2023/04/02 02:18 និពន្ឋដោយ Johann