km:tipitaka:sut:an:08:sut.an.08.065

អភិភាយតនសូត្រ ទី៥

សង្ខេប

(បន្ថែមការពិពណ៌នាអំពីសូត្រនៅទីនេះ)

an 08.065 បាលី cs-km: sut.an.08.065 អដ្ឋកថា: sut.an.08.065_att PTS: ?

អភិភាយតនសូត្រ ទី៥

?

បកប្រែពីភាសាបាលីដោយ

ព្រះសង្ឃនៅប្រទេសកម្ពុជា ប្រតិចារិកពី sangham.net ជាសេចក្តីព្រាងច្បាប់ការបោះពុម្ពផ្សាយ

ការបកប្រែជំនួស: មិនទាន់មាននៅឡើយទេ

អានដោយ (គ្មានការថតសំលេង៖ ចង់ចែករំលែកមួយទេ?)

(៥. អភិភាយតនសុត្តំ)

[៧២] ម្នាលភិក្ខុទាំងឡាយ អភិភាយតនៈ (ហេតុជាគ្រឿង​គ្របសង្កត់​នូវធម៌ ជាសត្រូវ​ផង នូវ​អារម្មណ៍ផង)​ នេះមាន ៨ យ៉ាង។ ៨យ៉ាង តើអ្វីខ្លះ។ គឺបុគ្គល​ពួកមួយ មានសេចក្ដី​សំគាល់នូវ​រូបខាង​ក្នុង ឃើញនូវ​រូបខាងក្រៅ ជារូប​មានប្រមាណ​តិច មាន​សម្បុរ​ល្អ ឬសម្បុរ​អាក្រក់ គ្របសង្កត់​នូវរូបទាំងនោះ ហើយមាន​សេចក្ដីសំគាល់​យ៉ាង​នេះថា អាត្មាអញ​ដឹង អាត្មាអញឃើញ ដូច្នេះ នេះជា​អភិភាយតនៈ ទី១។ បុគ្គលពួកមួយ មាន​សេចក្ដី​សំគាល់នូវ​រូបខាងក្នុង ឃើញនូវរូប​ខាងក្រៅ ជារូប​មានប្រមាណ​ច្រើន មាន​សម្បុរល្អ ឬ​សម្បុរអាក្រក់ គ្របសង្កត់​នូវរូប​ទាំងនោះ ហើយ​មានសេចក្ដី​សំគាល់​យ៉ាងនេះ​ថា អាត្មាអញ​ដឹង អាត្មាអញ​ឃើញ ដូច្នេះ នេះជា​អភិភាយតៈ ទី២។ បុគ្គល​ពួកមួយ មិនមាន​សេចក្ដីសំគាល់នូវ​រូបខាងក្នុង ឃើញនូវ​រូបខាងក្រៅ ជារូប​មាន​ប្រមាណ​តិច មាន​សម្បុរល្អ ឬ​សម្បុរអាក្រក់ គ្របសង្កត់នូវ​រូបទាំងនោះ ហើយមាន​សេចក្ដី​សំគាល់​យ៉ាងនេះថា អាត្មាអញដឹង អាត្មាអញឃើញ​ដូច្នេះ នេះជា​អភិភាយតៈ ទី៣។ បុគ្គល​ពួកមួយ មិនមាន​សេចក្ដីសំគាល់នូវ​រូបខាងក្នុង ឃើញនូវ​រូប​ខាងក្រៅ ជារូបមាន​ប្រមាណ​ច្រើន មានសម្បុរល្អ ឬ​សម្បុរអាក្រក់ គ្របសង្កត់​នូវរូប​ទាំងនោះ ហើយមាន​សេចក្ដី​សំគាល់​យ៉ាងនេះថា អាត្មាអញដឹង អាត្មាអញ​ឃើញដូច្នេះ នេះជា​អភិភាយតៈ ទី៤។ បុគ្គលពួកមួយ មិនមាន​សេចក្ដី​សំគាល់នូវរូប​ខាងក្នុង ឃើញនូវ​រូបខាងក្រៅ ជារូបខៀវ មាន​សម្បុរខៀវ ជាទីចង្អុល​ប្រាប់ថា នេះមាន​សម្បុរខៀវ មានពន្លឺខៀវ គ្របសង្កត់​នូវរូប​ទាំងនោះ ហើយមាន​សេចក្ដី​សំគាល់​យ៉ាងនេះថា អាត្មា​អញដឹង អាត្មាអញ​ឃើញដូច្នេះ នេះជា​អភិភាយតៈ ទី៥។ បុគ្គលពួកមួយ មិនមាន​សេចក្ដី​សំគាល់នូវរូប​ខាងក្នុង ឃើញនូវរូប​ខាងក្រៅ ជារូបលឿង មានសម្បុរ​លឿង ជាទី​ចង្អុលប្រាប់ថា នេះមាន​សម្បុរលឿង មាន​ពន្លឺលឿង គ្របសង្កត់នូវ​រូបទាំងនោះ ហើយមាន​សេចក្ដីសំគាល់​យ៉ាងនេះថា អាត្មាអញ​ដឹង អាត្មាអញ​ឃើញដូច្នេះ នេះជា អភិភាយតៈ ទី៦។ បុគ្គលពួកមួយ មិនមាន​សេចក្ដី​សំគាល់នូវ​រូបខាងក្នុង ឃើញនូវ​រូបខាងក្រៅ ជារូបក្រហម មាន​សម្បុរក្រហម ជាទីចង្អុល​ប្រាប់ថា នេះមាន​សម្បុរ​ក្រហម មានពន្លឺ​ក្រហម គ្របសង្កត់​នូវរូប​ទាំងនោះ ហើយមាន​សេចក្ដី​សំគាល់​យ៉ាងនេះថា អាត្មាអញ​ដឹង អាត្មាអញ​ឃើញដូច្នេះ នេះជា​អភិភាយតៈ ទី៧។ បុគ្គលពួកមួយ មិនមានសេចក្ដី​សំគាល់​នូវរូបខាងក្នុង ឃើញនូវ​រូបខាងក្រៅ ជារូបស មាន​សម្បុរស ជាទីចង្អុល​ប្រាប់ថា នេះមាន​សម្បុរស មាន​ពន្លឺស គ្របសង្កត់​នូវរូបទាំង​នោះ ហើយមាន​សេចក្ដី​សំគាល់​យ៉ាងនេះថា អាត្មាអញដឹង អាត្មាអញ​ឃើញដូច្នេះ នេះជា​អភិភាយតៈ ទី៨។ ម្នាលភិក្ខុ​ទាំងឡាយ អភិភាយតនៈ មាន ៨ យ៉ាងនេះឯង។

 

លេខយោង

km/tipitaka/sut/an/08/sut.an.08.065.txt · ពេលកែចុងក្រោយ: 2023/04/02 02:18 និពន្ឋដោយ Johann