km:tipitaka:sut:sn:01:sut.sn.01.081



អរណសូត្រ ទី១១

សង្ខេប

បុគ្គល​ទោះ​មាន​ប្រភព​មក​ពី ត្រកូល វណ្ណៈ ជា​តិតូច​ទាប​ក៏​ដោយ តែ​អាច​ប្រព្រឹ​ត្តិ​ខ្លួន​អោយ​ខ្ពង់​ខ្ពស់​ព្រោះ​ដោយ​គុណ​ធម៌។

sn 01.081 បាលី cs-km: sut.sn.01.081 អដ្ឋកថា: sut.sn.01.081_att PTS: ?

អរណសូត្រ ទី១១

?

បកប្រែពីភាសាបាលីដោយ

ព្រះសង្ឃនៅប្រទេសកម្ពុជា ប្រតិចារិកពី sangham.net ជាសេចក្តីព្រាងច្បាប់ការបោះពុម្ពផ្សាយ

ការបកប្រែជំនួស: មិនទាន់មាននៅឡើយទេ

អានដោយ ឧបាសក សុខវិបុល

(១១. អរណសុត្តំ)

[២២១] ទេវតាទូលថា

ក្នុងលោកនេះ មនុស្សពួកណា ជាបុគ្គលមិនមានកិលេស ព្រហ្មចរិយៈ គឺមនុស្សពួកណា រក្សាហើយ រមែងមិនខូចខាតទៅវិញ ក្នុងលោកនេះ មនុស្សពួកណា រមែងស្គាល់ច្បាស់នូវសេចក្តីប្រាថ្នា មនុស្សពួកណា រួចខ្លួនជាអ្នកជា ក្នុងកាលទាំងពួង មាតាបិតាបងប្អូន រមែងក្រាបសំពះនូវបុគ្គលណា បុគ្គលនោះ តាំងនៅក្នុងគុណធម៌ដូចម្តេច ក្នុងលោកនេះ ក្សត្រិយ៍ទាំងឡាយ រមែងទ្រង់សំពះដោយគោរព នូវជនមានជាតិថោកទាប តើមនុស្សពួកណា។

[២២២] ព្រះមានព្រះភាគត្រាស់ថា

ក្នុងលោកនេះ ពួកខីណាសវសមណៈ ជាបុគ្គលមិនមានកិលេស ព្រហ្មចរិយៈ ដែលពួកព្រះខីណាស្រពរក្សាហើយ រមែងមិនខូចខាតទៅវិញ ពួកខីណាសវសមណៈ រមែងស្គាល់ច្បាស់ នូវសេចក្តីប្រាថ្នា ពួកខីណាសវសមណៈ រួចខ្លួនជាអ្នកជា ក្នុងកាលទាំងពួង មាតាបិតាបងប្អូន រមែងក្រាបសំពះនូវខីណាសវសមណៈនោះ ដែលជាអ្នកមានសីលដ៏ខ្ជាប់ខ្ជួន ក្នុងលោកនេះ ក្សត្រិយ៍ទាំងឡាយ រមែងទ្រង់សំពះ ដោយគោរព នូវជនមានជាតិថោកទាប ដែលជាសមណៈ។

ចប់ ឃត្វាវគ្គ ទី៨

បញ្ជីរឿងនៃឃត្វាវគ្គនោះ គឺ

ឃត្វាសូត្រ១ រថសូត្រ១ វិត្តសូត្រ១ វុដ្ឋិសូត្រ១ ភីតសូត្រ១ នជីរតិសូត្រ១ ឥស្សរសូត្រ១ កាមសូត្រ១ បាឋេយ្យសូត្រ១ បជ្ជោតសូត្រ១ អរណសូត្រ១។

ចប់ ទេវតាសំយុត្ត

 

លេខយោង

km/tipitaka/sut/sn/01/sut.sn.01.081.txt · ពេលកែចុងក្រោយ: 2023/04/02 02:18 និពន្ឋដោយ Johann