km:tipitaka:sut:sn:56:sut.sn.56.001



(សមាធិសូត្រ ទី១)

សង្ខេប

ជា​លទ្ធផល​នៃ​ការ​ពិចារណា​ត្រឹម​ត្រូវ។

sn 56.001 បាលី cs-km: sut.sn.56.001 អដ្ឋកថា: sut.sn.56.001_att PTS: ?

(សមាធិសូត្រ ទី១)

?

បកប្រែពីភាសាបាលីដោយ

ព្រះសង្ឃនៅប្រទេសកម្ពុជា ប្រតិចារិកពី sangham.net ជាសេចក្តីព្រាងច្បាប់ការបោះពុម្ពផ្សាយ

ការបកប្រែជំនួស: មិនទាន់មាននៅឡើយទេ

អានដោយ ឧបាសិកា វិឡា

(១. សមាធិសុត្តំ)

[៣៥៥] សាវត្ថីនិទាន។ ម្នាលភិក្ខុទាំងឡាយ អ្នកទាំងឡាយ ចូរចំរើនសមាធិ។ ម្នាលភិក្ខុទាំងឡាយ ភិក្ខុដែលមានចិត្តដំកល់នឹង រមែងដឹងច្បាស់តាមសេចក្ដីពិត។ ចុះ ដឹងច្បាស់នូវអ្វី តាមសេចក្ដីពិត។ ដឹងច្បាស់តាមសេចក្ដីពិតថា នេះជាទុក្ខ។ ដឹងច្បាស់តាមសេចក្ដីពិតថា នេះជាហេតុ ជាទីកើតឡើងនៃទុក្ខ ដឹងច្បាស់តាមសេចក្ដីពិតថា នេះជាទីរំលត់ទុក្ខ ដឹងច្បាស់តាមសេចក្ដីពិតថា នេះជាបដិបទា ជាដំណើរទៅកាន់ទីរំលត់ទុក្ខ។ ម្នាលភិក្ខុទាំងឡាយ អ្នកទាំងឡាយ ចូរចំរើននូវសមាធិ។ ម្នាលភិក្ខុទាំងឡាយ ភិក្ខុដែលមានចិត្តដំកល់នឹង រមែងដឹងច្បាស់តាមសេចក្ដីពិត។ ម្នាលភិក្ខុទាំងឡាយ ព្រោះហេតុនោះ ភិក្ខុក្នុងសាសនានេះ គួរធ្វើសេចក្ដីព្យាយាមថា នេះជាទុក្ខ គួរធ្វើសេចក្ដីព្យាយាមថា នេះជាហេតុ ជាទីកើតឡើងនៃទុក្ខ គួរធ្វើសេចក្ដីព្យាយាមថា នេះជាទីរំលត់ទុក្ខ គួរធ្វើសេចក្ដីព្យាយាមថា នេះជាបដិបទា ជាដំណើរទៅកាន់ទីរំលត់ទុក្ខ។

 

លេខយោង

km/tipitaka/sut/sn/56/sut.sn.56.001.txt · ពេលកែចុងក្រោយ: 2024/06/16 16:53 និពន្ឋដោយ Johann